Gazeta Express sjell një informatë publike për Melihate Tërmkollin

Një ish-Drejtues i Shërbimit Sekret mund të jetë edhe President i Shtetit. Kështu ka ndodhur në Amerikë me Presidentin George Bush –Plakun. Për të e di e gjithë bota, e ndoshta mund të ketë edhe raste tjera.

Deputetja e AAK’së Melihate Tërmkolli, gjatë fjalimit të saj, në Kuvendin e Kosovës ka pyetur përfaqësuesit të Ambasadave të huaja nëse në vendin e tyre do të lejonin që një –ish –shef i Shërbimit Sekret të merret një pozitë lartë sikur Kadri Veseli. 

Madje Tërmkolli ka përmendur madje ish –Shefin e CIA’s George Tenet që sipas saj do të ishte absurde të hynte në politikë.

Por, Tërmkolli duke u shtirur si e guximshme dhe duke dashur ta sfidojë ambasadoren amerikane e cila ka qenë e pranishme dje në lozhën e Kuvendit ku është mbajtur seanca, ka bërë një huqje. 

Ajo ka treguar se nuk është e informuar sa duhet kur janë në pyetje këto çështje pasi pikërisht George Bush Senior në 1976 -1977 ka qenë në krye të CIA’s ndërsa nga viti 1989-1993 ka shërbyer si Presidenti i 43 i SHBA’ve.