Veseli në pushtet, me votat e “armiqve”

Zgjedhja e Kadri Veselit, ish-shefit të SHIK-ut, në krye të Kuvendit të Kosovës është vlerësuar shumë i dëmshëm për demokracinë kosovare. Analistët në Prishtinë thonë se zgjedhja e tij ka qenë e pritshme, ndërsa paradoksi është se ai erdhi në pushtet me votat e atyre që e kanë akuzuar më së shumti.
Analisti, Imer Mushkolaj, tha se vetë rrugëtimi i Kadri Veselit prej një shërbimi partiak sekret drejt kryetarit të Kuvendit të Kosovës, tregon se në çfarë krize është shoqëria kosovare dhe në çfarë krize të thellë është politika kosovare. Ai tha se Veseli para se të hynte në politikë është dashur të jepte sqarime për gjithë veprimtarinë e SHIK-ut./Zëri/