Thaçi: Brenda tre muajsh aplikojmë për anëtarësim në Këshillin e Europës

Në mbledhjen e sotme të Qeverisë së Kosovës për vizitën e tij në Bruksel e në Strasburg dhe takime me zyrtarë të lartë të BE-s, ka folur shefi i diplomacisë së Kosovës dhe njëherësh zëvendëskryeministër i vendit Hashim Thaçi.

Ai është optimist për anëtarësimin e shpejt të Kosovës në Këshillin e Evropës.

“Për sa i përket Këshillit të Europës, mund të them se nga 47 shtete sa e bëjnë atë, Kosovën e kanë njohur 34 vende. Kosova ka plotësuar kriteret për anëtarësim dhe shpresojmë se në koordinim me partnerët ndërkombëtar do të aplikojmë për anëtarësimin e Kosovës në 3 muajt e parë të vitit të ardhshëm dhe, presim edhe anëtarësimin në të. Shpresoj se pranimi i Kosovës nuk do të prodhojë debat”, tha ai.

Ai pastaj tregoi për takimet që ka pasur me zyrtarë të lartë evropianë në Këshillin e Europës, në Parlamentin Europian dhe në NATO.

Me zyrtarë të NATO-s, tha Thaçi, kemi biseduar për formimin e Ushtrisë së Kosovës, për ç’gjë, sipas tij, ka përkrahje dhe mirëkuptim.